Հայաստանում արտադրողի կամ ներմուծողի ընդլայնված պատասխանատվության սկզբունքի հիման վրա թափոնների կառավարման համակարգի ներդրումը իրապես կարևոր գործիքակազմ է, որը կնպաստի շրջանաձև տնտեսության զարգացմանը, կնվազեցնի արտադրանքի և դրա փաթեթավորման ազդեցությունը շրջակա միջավայրի վրա և կխթանի «աղտոտողը վճարում է» սկզբունքի իրագործմանը՝ արտադրողին պատասխանատու դարձնելով արտադրանքի ողջ կյանքի ցիկլի համար: 
Շատ կարևոր է արձանագրել, որ նման համակարգի ներդրման պարագայում երկրում նպաստավոր պայմաններ կստեղծվեն շրջակա միջավայրի տեսնակյունից անվտանգ արտադրանք շուկա հանելու համար՝ միաժամանակ ապահովելով այն մոտեցումը, որ արտադրվող կամ ներմուծվող արտադրանքի հետ կապված թափոնների կառավարման ծախսերն ի սկզբանե կհասցեագրվեն արտադրողին կամ ներմուծողին։