«Սևան» ազգային պարկ» ՊՈԱԿ աշխատանքային այցի շրջանակում նախարարի տեղակալ Արամ Մեյմարյանը, նախարարության Բնության հատուկ պահպանվող տարածքների և կենսաբազմազանության քաղաքականության վարչության պետ Ոսկեհատ Գրիգորյանը ազգային պարկի տնօրենի պաշտոնակատար Կարեն Մնացականյանի ուղեկցությամբ եղել են ազգային պարկի թանգարանում։
Ազգային պարկի թանգարանը գործում է 1996 թվականից։
Թանգարանում ցուցադրված է Սևան ազգային պարկի բուսական և կենդանական աշխարհի, ինչպես նաև պատմության և կենցաղի մասին պատմող բազմազան հավաքածու: Հատկապես աչքի է ընկնում թռչունների հարուստ հավաքածուն: Իսկ թանգարանի զարդն է համարվում Սևանա լճի իշխան ձկան ցուցանմուշը՝ 16 կգ քաշով և 95 սմ երկարությամբ։
Նախարարի տեղակալը շրջայց է կատարել թանգարանում, ծանոթացել շենքային պայմաններին, ցուցանմուշների պահման պայմաններին, զրուցել է աշխատակիցների հետ։
Արամ Մեյմարյանը քննարկել է թանգարանի վերազինման և ժամանակակից պահանջներին համապատասխանեցնելու հնարավորությունները։
![](http://mnp.am/images/arm.png)