ՀՀ Տարածքային կառավարման և ենթակառուցվածքների նախարարի տեղակալ Վաչե Տերտերյանի նախաձեռնությամբ տեղի է ունեցել հանդիպում «Մայ Ֆորեսթ Արմենիա» բնապահպանական հասարակական կազմակերպության, «Էյ Թի Փի» բարեգործական հիմնադրամի և ՀՀ շրջակա միջավայրի նախարարության գործընկերների հետ:
Հանդիպմանը մասնակցել են Շրջակա միջավայրի նախարարի տեղակալ Արամ Մեյմարյանը, նախարարության Անտառային քաղաքականության վարչության պետի պաշտոնակատար Արամ Սահակյանը և ՇՄՆ Հիդրոօդերևութաբանության և մոնիթորինգի կենտրոն ՊՈԱԿ-ի տնօրենի տեղակալ Արման Ավագյանը:
Հանդիպման նպատակն էր՝ ուղիներ գտնել օժանդակելու Հայաստանում նոր անտառային ծածկույթի ստեղծմանը:
Քննարկումների արդյունքում պայմանավորվածություն է ձեռք բերվել հաջորդ հանդիպումը կազմակերպել Շրջակա միջավայի նախարարությունում՝ արդեն ավելի մանրամասն քննարկելու և կազմակերպելու հետագա անելիքները: