02.05.2022
Շրջակա միջավայրի նախարար Հակոբ Սիմիդյանը, նախարարի տեղակալ Արամ Մեյմարյանը մասնակցել են համապետական շաբաթօրյակին
Նախարարության ներկայացուցիչները մաքրման աշխատանքներ են իրականացրել Երևան քաղաքի Հրազդանի կիրճի տարածքում:
Շրջակա միջավայրի նախարար Հակոբ Սիմիդյանը, նախարարի տեղակալ Արամ Մեյմարյանը նախարարության և ենթակա կառույցների աշխատակիցների հետ մասնակցել են համապետական շաբաթօրյակին։
Նախարար Հակոբ Սիմիդյանը շնորհակալություն է հայտնել գործընկերներին շաբաթօրյակին մասնակցելու և իրենց օրինակով շրջակա միջավայրի մաքրության հանդեպ անտարբեր շատ քաղաքացիներին օրինակ ծառայելու համար:
Հարգելի՛ քաղաքացիներ, կրկին հորդորում ենք ավելի հոգատար վերաբերվել բնությանն ու շրջակա միջավայրին, չաղտոտել այն, համատեղ ուժերով պահպանել ու պաշտպանել մեր միջավայրի անխաթարությունն ու մաքրությունը: