Փառատոնը կանցկացվի սեպտեմբերի 5-10-ը, այն նվիրված է Մարսի վրա Մարս 3 տիեզերակայանի առաջին վայրէջքի 50-ամյակին:
Հատկանշական է, որ Մարս 3-ը տեղափոխել է դեպի Կարմիր մոլորակ հայ մեծանուն ինժեներ Ալեքսանդր Քեմուրջյանի Prop-M (փրոփ-էմ) ռոբոտը։
Արդեն իսկ Հայաստան են այցելում համաշխարհային ճանաչում ունեցող գիտնականներ, Նոբելյան մրցանակակիրներ, տիեզերագնացներ, երաժիշտներ ու արվեստագետներ։ Այն հանդիսանում է գիտության մշակույթի ու արվեստի գործիչներ միավորող հարթակ, որի շրջանակում նրանք հանրությանն են ներկայացնում իրենց գիտելիքները, փորձը և նորագույն հայտնագործությունները հանրամատչելի ձևաչափերով։
STARMUS աշխարհահռչակ փառատոնը կապված է Ստիվեն Հոքինգի, Բրայան Մեյի, Ալեքսեյ Լեոնովի և աշխարհահռչակ այլ հայտնի անունների հետ, անցկացվում 2011 թվականից և միավորում է գիտությունը, կրթությունը, արվեստն ու տեխնոլոգիաները։
STARMUS փառատոնը հիմնադրվել է աստղաֆիզիկոս Գարիկ Իսրաելյանի և լեգենդար “Queen” խմբի կիթառահար, աստղաֆիզիկոս Բրայան Մեյի կողմից։ Նրանց միավորումը մեկ հարթակի շուրջ հնարավոր են դարձնում մեր ժամանակների խնդիրների վերհանումն ու լուծումների շուրջ քննարկումները։
- Սթարմուս VI-ի մասին՝ https://starmus.com/Armenia
- Facebook: https://www.facebook.com/StarmusArmenia
- Twitter: https://twitter.com/StarmusArmenia
- Instagram: https://www.instagram.com/starmus/
- LinkedIn: https://www.linkedin.com/company/starmus-festival
- Սթարմուսի մասին՝ https://starmus.com/
- Յութուբյան էջ՝ https://www.youtube.com/user/starmusfest