ԻՇԽԱՆԻ ԱՎԵԼԻ ՔԱՆ 300.000 ՄԱՆՐԱՁՈւԿ ԲԱՑ ԹՈՂՆՎԵՑ ՍԵՎԱՆԱ ԼԻՃ

17-07-2020

Շրջակա միջավայրի նախարարի տեղակալի պաշտոնակատար Վադան Մելիքյանը Գեղարքունիքի մարզում հետևել է «Սևանի իշխանի պաշարների վերականգնման և ձկնաբուծության զարգացման հիմնադրամ»-ի կողմից հերթական անգամ իրականացվող՝ Սևանի իշխանի գեղարքունի տեսակի 3 գրամ միջին քաշով 62.500 հատ և 240.000 հատ 1,75 գրամ քաշով  մանրաձկան բացթողնման աշխատանքներին։
Մանրաձկան բացթողումն իրականացվել է լիճ թափվող Կարճաղբյուր և Մասրիկ գետերի միջին և ստորին հոսանքներում։
Մանրաձկան բացթողման աշխատանքներից առաջ Վարդան Մելիքյանը հիմնադրամի ներկայացուցիչների, ոլորտի մասնագետների հետ քննարկել է ձկնապաշարների հաշվառմանն ու անհրաժեշտ սարքավորումների ձեռքմերմանը վերաբերող հարցեր։ Քննարկման ընթացքում շոշափվել են նաև խեցգետնի պաշարներին առնչվող հարցեր։ Ի թիվս այլ հարցերի անդրադարձ է եղել նաև ապօրինի ձկնորսությանը, որն էապես անդրադառնում է ձկնապաշարների նվազմանը։
Աշխատանքներին մասնակցել են Շրջակա միջավայրի նախարարության և «Սևանի իշխանի պաշարների վերականգնման և ձկնաբուծության զարգացման հիմնադրամ»-ի աշխատակիցների։  
Մանրաձկան բացթողումը կրում է պարբերական բնույթ։ Դրա նպատակն է վերականգնել Սևանա լճում տարիներ շարունակ կրճատվող՝ Սևանի իշխանի ձկնապաշարներն ու այդ ճանապարհով խթանել լճի խախտված էկոհամակարգի վերականգնումը։
 

ՀԱՅՏԱՐԱՐՈՒԹՅՈՒՆՆԵՐ

2020-08-06
«Վիգեն» ՍՊԸ Գեղարքունիք մարզի Լիճքի ածխաթթվային հանքային ջրի հանքավայր 8P հորատանցքի արդյունահանման աշխատանքների շրջակա միջավայրի վրա ազդեցության նախնական գնահատման հայտի աշխատանքների վերաբերյալ
2020-08-04
Մշակվում է Տավուշի մարզի Դիլիջան համայնքի «Դիլիջան» ԱՊ-ի Դիլիջան տեղամասի 20 քառակուսու 4 անտառամասի հասցեում Էդգար Հարությունյանի կողմից Հանգստյան համալիրի խմելու-կենցաղային նպատակով հորատվող խորքային հորից 0.1 լ/վ ջրաքանակով ջրառի ջրօգտագործման թույլտվ
2020-07-31
«ՀԵՆԴՀԱՅ» ՍՊԸ-ի կողմից ներկայացված Բասենի դացիտային տուֆերի հանքերևակման տեղամասում երկրաբանական ուսումնասիրության աշխատանքների՝ շրջակա միջավայի վրա ազդեցության նախնական գնահատման հայտի վերաբերյալ
Բոլորը
<
>