Հարգելի հայրենակիցներ,

սեփական դիմումի համաձայն ազատվել եմ շրջակա միջավայրի նախարարի պաշտոնից, ցանկանում եմ հանդես գալ վերջին երկու տարիների ընթացքում կատարած աշխատանքի վերաբերյալ հաշվետվությամբ։
Աշխատանքները իրականացվել են նախարարության և ենթակա կառույցների ջանքերով, ինչի համար շնորհակալություն եմ հայտնում մեր թիմին, հպարտ եմ Ձեզնով։
Այո, մեր աշխատանքները այս համատարած սենսացիոն և լայքաբեր տեղեկատվական հոսքերում տեղ չգտան և հնչեղություն չստացան, միգուցե շատ զբաղված էինք համակարգ կառուցելով քան աղմուկ հանելով։
Շրջակա միջավայրի նախարարության ողջ անձնակազմը, չնայած հնչող քննադատություններին ու հաճախ անարդար վերաբերմունքին, արել է առավելագույնը՝ տասնամյակներով ժառանգած խնդիրները լուծելու համար։
Չի կարող կառուցվել և հզորանալ որևէ պետություն, եթե չհարգվի պետական ծառայողի աշխատանքը՝ առաջին կարգի մասնագետից մինչև վարչապետ և նախագահ։
Մեր բոլոր գործողություններում մեզ առաջնորդել է միայն և միայն պետական շահը և Հայաստանի Հանրապետության քաղաքացու առողջ շրջակա միջավայր ունենալու իրավունքի ապահովումը։
Շնորհակալություն եմ ուզում հայտնել վարչապետ Նիկոլ Փաշինյանին և կառավարության իմ գործընկերներին՝ համագործակցության ու միասնական ջանքերի համար։
Ի վերջո, շրջակա միջավայրի պահպանությունը յուրաքանչյուրիս գործն է՝ անկախ մասնագիտությունից, աշխատավայրից և նախասիրություններից։
Իրականացված աշխատանքը պայմանականորեն բաժանել եմ խմբերի․

50 տարվա դադարից հետո ընձառյուծը վերադարձել է Տավուշի մարզ

Տավուշի մարզի Ենոքավան գյուղի տարածքում տեսախցիկներն ընձառյուծ են նկարահանել։
Ավելի վաղ՝ 2019 թվականի նոյեմբերի 19-ին, լուրեր էին տարածվել, որ Ենոքավանի բնակիչներից մեկի վրա ընձառյուծ է հարձակվել: 

8,5 տոննա գյուղմթերք, 5500 ք/մ տնտեսություն, 8 նոր աշխատատեղ

Շրջակա միջավայրի նախարարության կողմից իրականացվող «Պահպանվող տարածքների աջակցման ծրագիր-Հայաստան» դրամաշնորհային ծրագրի շնորհիվ Սյունիքի մարզի Տաթև համայնքում հիմնվել է նոր ընկերություն, որը զբաղվում է գյուղմթերքի արտադրությամբ։ 

23 հեկտար անտառավերականգնում՝ միայն մեկ անտառտնտեսության տարածքում

Նախորդ տարի պետական բյուջեից հատկացված միջոցներով «Հայանտառ» ՊՈԱԿ-ն իրականացրել է աննախադեպ ծավալի անտառտնկման աշխատանքներ։ Մայիսի երկուսին շրջակա միջավայրի նախարար Էրիկ Գրիգորյանը և նախարարի տեղակալ Վարդան Մելիքյանը այցելել են Լոռու և Տավուշի մարզի անտառտնտեսություններ, «Հայանտառ» ՊՈԱԿ-ի աշխատակիցների հետ ամփոփվել 2019-ին իրականացրած լայնածավալ աշխատանքները։ «Հայանտառ» ՊՈԱԿ-ի Տավուշի մարզի Նոյեմբերյան համայնքի «Ոսկեպար» անտառպետությունում 2019-ի գարնանն ու աշնանը տնկվել էր շուրջ 70.000 ծառ։

Տնկի՛ր  «ՔոԾառը» շարքից

Եթե երազել եք ծառ տնկել, ապա հիմա սովորելու ճիշտ ժամանակն է։ 
Այսօր կխոսենք խնձորենու տնկման և մշակման մասին։ 

700.000-ական դրամ դրամաշնորհ՝ Սյունիքի մարզի 91 ընտանիքներին

Սյունիքի մարզի 91 ընտանիքներին յուրաքանչյուրին հնարավորություն է տրվել մեկնարկել նոր բիզնես ծրագրեր, որոնց միջոցով նրանք կկարողանան բարելավեն իրենց սոցիալ-տնտեսական վիճակը՝ միաժամանակ կանխելով ավելորդ ճնշումը անտառների և շրջակա միջավայրի վրա։

Տնտեսական հետևանքները կմեղմվեն ուռենիների միջոցով. ովքե՞ր կարող են դիմել ծրագրին

Կառավարության այսօրվա նիստում ընդունվել է «Կորոնավիրուսի տնտեսական հետևանքների չեզոքացման տասնհինգերորդ միջոցառումը հաստատելու մասին» կառավարության որոշումը։

Մեղուները փոշոտման գործընթացի կորևորագույն դերակատարներն են

Սակայն նրանք և այլ փոշոտող կենդանիներ, ինչպիսիք են թիթեռները, ավելի ու ավելի մեծ սպառնալիքի առաջ են կանգնում մարդկային գործունեության պատճառով։ 

Ո՞ր շինությունները կքանդվեն սկզբում. Սևանի ափերը մաքրվում են

Սևանի ափամերձ տարածքների մաքրումը շենք-շինություններից մտնում է գործնական փուլ։ Վարչապետ Նիկոլ Փաշինյանի հանձնարարությամբ ստեղծված միջգերատեսչական աշխատանքային խումբն ավարտել է մինչև 1901,5 մետր բացարձակ նիշերում գտնվող ինչպես պետական և համայնքային, այնպես մասնավոր շենք-շինությունների գույքագրման աշխատանքները։

Սկսում ենք «ԷկոՎարք» խորագիրը

Մեկանգամյա օգտագործման սուրճի բաժակները չափազանց վտանգավոր են շրջակա միջավայրի համար։ 
Եթե ամեն օր աշխատանքի ճանապարհին սուրճ եք գնում, ուրեմն սպառում եք տարեկան միջինում 240 բաժակ, իսկ եթե շաբաթական մեկ անգամ միայն՝ 52: 

Այսօր Սևանա լճի տարբեր խորություններից իրականցվել են ջրի հերթական նմուշառումները

Նախկինում իրականացված դիտարկումներին կարող եք ծանոթանալ հետևյալ առցանց հղմամբ՝ http://armmonitoring.am: 

Շրջակա միջավայրի նախարարության անտառային կոմիտեի «Հայանտառ» ՊՈԱԿ-ի անտառտնտեսության մասնաճյուղերում ապրիլի 23-ից 27-ն ընկած ժամանակահատվածում արձանագրված անտառխախտման դեպքերը

Անտառային պահաբաժինների ստուգումների արդյունքում «Դսեղի», «Վանաձորի», «Արծվաբերդի», «Իջևանի», «Ստեփանավանի» անտառտնտեսությունների մասնաճյուղերի աշխատակիցների կողմից հայտնաբերվել է անտառխախտման 5 դեպք (100 հատված ծառ)։ 
 

Դիտիր,  լսիր,  սովորիր

Շրջակա միջավայրի նախարարության աջակցությամբ, Գլոբալ էկոլոգիական հիմնադրամի կողմից ֆինանսավորվող և ՄԱԿ-ի Զարգացման ծրագրի կողմից իրականացվող «Հողերի և անտառների կայուն կառավարման ներդնումը հյուսիս-արևելյան Հայաստանի լեռնային լանդշաֆտներում» ծրագրի շրջանակներում 2017-2020թթ. ընթացքում իրականացվում են անտառային էկոհամակարգերի վիճակը և փոփոխությունները ցույց տվող ինդիկատոր թռչնատեսակների և թիթեռների մշտադիտարկման ուսումնասիրություններ։ 

Ազոտի երկօքսիդի պարունակությունը մթնոլորտային օդում (մարտ-ապրիլ)

Ապրիլի 1-16-ն ընկած ժամանակահատվածում մարտի 1-15-ի համեմատությամբ դիտվել է մթնոլորտային օդում ազոտի երկօքսիդի նվազում.
 

Շրջակա միջավայրի նախարարության անտառային կոմիտեի «Հայանտառ» ՊՈԱԿ-ի անտառտնտեսության մասնաճյուղերում ապրիլի 21-ին և 22-ին արձանագրված անտառխախտման դեպքերը

Անտառային պահաբաժինների ստուգումների արդյունքում «Լալվարի» անտառտնտեսության մասնաճյուղի աշխատակիցների կողմից հայտնաբերվել է ծառահատման 31 դեպք։ 

Շրջակա միջավայրի նախարարության և Կովկասի բնության հիմնադրամի համագործակցության արդյունքը

Շրջակա միջավայրի նախարարության հետ համագործակցությամբ, Կովկասի բնության հիմնադրամն իր աջակցությունն է ցուցաբերել ԳԱԱ Կենդանաբանության և հիդրոէկոլոգիայի գիտական կենտրոնին՝ Սևանա լճում և այլ ջրավազաններում  ձկնային պաշարների հետազոտման նպատակով ժամանակակից ձայնախորաչափի գործարկման համար անհրաժեշտ ծրագրային փաթեթի ձեռք բերման համար: 

Ապրիլի 22-ը «Երկրի օրն» է

Երկրի միջազգային օրը հռչակվել է ՄԱԿ-ի Գլխավոր ասամբլեայի որոշմամբ:
Օրվա նպատակն է համաշխարհային հանրության ուշադրությունը սևեռել շրջակա միջավայրի պահպանության հիմնախնդիրների ուղղությամբ և համատեղ ջանքերն ուղղել Երկիր մոլորակի պահպանության գործին։

Նշանակվել է առաջին կին անտառտնտեսության ղեկավարը

Շրջակա միջավայրի նախարարության Անտառային կոմիտեի նախագահի պաշտոնակատար Արուսյակ Սիրադեղյանի հրամանով Իրինա Պարույրի Հովհաննիսյանը նշանակվել է «Հայանտառ» ՊՈԱԿ-ի «Ճամբարակի անտառտնտեսություն» մասնաճյուղի տնօրենի ժամանակավոր պաշտոնակատար։

Ամփոփվել է Շրջակա միջավայրի նախարարության կողմից իրականացվող «Պահպանվող տարածքների աջակցման ծրագիր - Հայաստան» ծրագրի հերթական հաջողված դրամաշնորհային նախագիծը

Դրամաշնորհի արժանացած «Յուլյա» բարեգործական ՀԿ-ն իրականացրել է «Հաշմանդամ երեխաների սոցիալական ինտեգրում՝ ոչ ֆորմալ կրթության կազմակերպման միջոցով» ծրագիրը, որի շրջանակներում անցկացված միջոցառումների շնորհիվ հաշմանդամություն ունեցող 21 երեխաներ սոցիալիզացվել և ինտեգրվել են հասարակությանը։

ՀՀ վարչապետ Նիկոլ Փաշինյանի N474-Ա որոշմամբ Վահե Ջիլավյանը նշանակվել է շրջակա միջավայրի նախարարի առաջին տեղակալ

<<Վահե Ջիլավյանին շրջակա միջավայրի նախարարի առաջին տեղակալ նշանակելու մասին>> ՀՀ վարչապետի 21.04.2020թ.  N 474  - Ա  որոշում